შესაძლებლობები
ᲕᲔᲑᲒᲕᲔᲠᲓᲘ ᲓᲐ ᲝᲜᲚᲐᲘᲜ ᲯᲐᲕᲨᲜᲔᲑᲘ - ᲔᲠᲗ ᲡᲘᲡᲢᲔᲛᲐᲨᲘ
საკუთარი ვებგვერდი, ონლაინ ჩაწერა, კალენდარი და SMS-შეხსენებები - რაც ყოველდღიური ჯავშნების სამართავად გჭირდებათ.
ონლაინ ჯავშანი
ᲛᲝᲛᲮᲛᲐᲠᲔᲑᲚᲔᲑᲡ ᲩᲐᲬᲔᲠᲐ ᲜᲔᲑᲘᲡᲛᲘᲔᲠ ᲓᲠᲝᲡ ᲨᲔᲣᲫᲚᲘᲐᲗ
მომხმარებელი თავად ირჩევს მომსახურებას, სპეციალისტსა და თავისუფალ დროს. შეაქვს ტელეფონის ნომერი და ჯავშანს ადასტურებს - თქვენი პასუხის ლოდინის გარეშე.
- მომსახურება, სპეციალისტი, თარიღი და დრო - ჩაწერის ოთხი მარტივი ნაბიჯი.
- ჩანს მხოლოდ ის საათები, რომლებიც ნამდვილად თავისუფალია
- მყისიერი დადასტურება SMS-ითა და ელფოსტით
- მომხმარებელს ჯავშნის გაუქმება და გადატანა თავად შეუძლია - ბმულით
ვებგვერდი
ᲐᲠᲐ ᲛᲮᲝᲚᲝᲓ ᲯᲐᲕᲨᲐᲜᲘ - ᲡᲠᲣᲚᲤᲐᲡᲝᲕᲐᲜᲘ ᲕᲔᲑᲒᲕᲔᲠᲓᲘ
ვებგვერდზე თქვენი ბიზნესის სახელი და იდენტობა ჩანს. მომხმარებელი მომსახურებას პირდაპირ თქვენთან ჯავშნის და არა სხვა პლატფორმის სახელით.
- საიტის მისამართი თქვენი ბიზნესის სახელითsalon.martivo.ge - მუშაობს საიტის გამოქვეყნებისთანავე
- სერვისები და გუნდიმართვის პანელში დამატებული სერვისი საიტზე ავტომატურად ჩნდება
- გალერეა და სამუშაო საათებიფოტოები, მისამართი, რუკა და სამუშაო საათები
- თქვენი ფერები და შრიფტებიმზა შაბლონი, რომელსაც კოდის გარეშე თავად შეცვლით
- მობილურზე მორგებულივებგვერდის გამოყენება ტელეფონიდანაც მოსახერხებელია
- საძიებო სისტემებისთვის ოპტიმიზებულისაიტის სათაურები, აღწერები და გაზიარებისთვის საჭირო ძირითადი მონაცემები ავტომატურად მზადდება.
კალენდარი და გუნდი
ᲗᲐᲕᲘᲡᲣᲤᲐᲚᲘ ᲓᲠᲝ ᲜᲐᲛᲓᲕᲘᲚᲐᲓ ᲗᲐᲕᲘᲡᲣᲤᲐᲚᲘᲐ
თავისუფალი საათების გამოთვლისას Martivo ითვალისწინებს სპეციალისტის სამუშაო გრაფიკს, მომსახურების ხანგრძლივობას, შუალედებს, შვებულებებსა და უკვე მიღებულ ჯავშნებს. მომხმარებელი მხოლოდ რეალურად თავისუფალ დროს ხედავს.
- თითოეულ სპეციალისტს, კაბინეტსა და დანადგარს თავისი კალენდარი აქვს
- ერთსა და იმავე დროს ორი ვიზიტი ვერ დაიჯავშნება
- შვებულებისა და დასვენების დღეებში ჩაწერა ავტომატურად იკეტება
- ჯავშნის დროს პირდაპირ კალენდარში შეცვლით
შეხსენებები
ᲐᲕᲢᲝᲛᲐᲢᲣᲠᲘ ᲨᲔᲮᲡᲔᲜᲔᲑᲐ ᲕᲘᲖᲘᲢᲐᲛᲓᲔ
ჯავშნის დადასტურება და ვიზიტის შეხსენება ავტომატურად იგზავნება. შეტყობინების ტექსტს თქვენ ადგენთ, მომხმარებლის სახელს, დროს, მომსახურებასა და მისამართს კი სისტემა ამატებს.
- დასტური და შეხსენება SMS-ითა და ელფოსტით
- შეხსენების დროს თავად ირჩევთ - მაგალითად, ვიზიტამდე 24 და 2 საათით ადრე
- გაგზავნამდე ნახავთ, რა ტექსტს მიიღებს მომხმარებელი.
- გაუქმების ბმული ყველა შეტყობინებაში
მართვის პანელი
ᲧᲕᲔᲚᲐᲤᲔᲠᲘ, ᲠᲐᲪ ᲧᲝᲕᲔᲚᲓᲦᲘᲣᲠᲘ ᲛᲐᲠᲗᲕᲘᲡᲗᲕᲘᲡ ᲒᲭᲘᲠᲓᲔᲑᲐᲗ
ერთხელ ცვლით - ყველგან ახლდება
მომსახურების ფასი ან ხანგრძლივობა ერთხელ შეცვალეთ - განახლებული ინფორმაცია საიტზეც, ჩაწერის ფორმაშიც და კალენდარშიც გამოჩნდება.
24/7
ჯავშნების მიღება დღე და ღამე
მომხმარებელს ჩაწერა მაშინაც შეუძლია, როცა თქვენი ობიექტი დაკეტილია. საიტზე მხოლოდ თავისუფალი საათები გამოჩნდება.
მომხმარებლების ბაზა
მომხმარებლების ბაზა ჯავშნებიდან ავტომატურად ივსება. ერთ ადგილას ნახავთ საკონტაქტო მონაცემებს, ვიზიტების ისტორიასა და გაცდენებს.
თქვენთვის ნაცნობი ტერმინები
სალონში - „ოსტატი“, კლინიკაში - „ექიმი“, ავტოსერვისში - „ხელოსანი“. სისტემა იმავე ტერმინებს იყენებს საიტზეც და მართვის პანელშიც.
ლარი და თბილისის დრო
ფასი ₾-ში, კალენდარი Asia/Tbilisi დროის სარტყელში. ინტერფეისი და შეხსენებები სრულად ქართულია.
შეზღუდვები
ᲠᲐᲡ ᲐᲠ ᲐᲙᲔᲗᲔᲑᲡ Martivo
არჩევანის გაკეთება გაგიადვილდებათ, თუ წინასწარ გეცოდინებათ, რას ვერ აკეთებს სისტემა. ქვემოთ ჩამოთვლილია 7 ფუნქცია, რომელიც Martivo-ს ამ ეტაპზე არ აქვს.
- ონლაინ გადახდა მომხმარებლისგანჯავშანი - ონლაინ, გადახდა - ადგილზე.
- ჯგუფური გაკვეთილებიერთსა და იმავე დროს მხოლოდ ერთი ვიზიტის დაჯავშნაა შესაძლებელი. ჯგუფური კურსებისა და რამდენიმე მონაწილეზე გათვლილი სესიებისთვის სხვა ტიპის სისტემა დაგჭირდებათ.
- განმეორებადი ჯავშნებიგანმეორებადი ჯავშნები ავტომატურად არ იქმნება - თითოეული ვიზიტი ცალკე უნდა დაიჯავშნოს.
- საკუთარი დომენითითოეული ბიზნესი იღებს სუბდომენს, რომელიც მაშინვე აქტიურდება.
- მობილური აპლიკაციამართვის პანელიც და ჯავშნის გვერდიც ბრაუზერში მუშაობს - არაფრის ჩამოტვირთვა არ გჭირდებათ.
- სამედიცინო ჩანაწერებივიზიტის, კონტაქტისა და ისტორიის მონაცემები - კი; დიაგნოზი და მკურნალობის ბარათი - არა.
- საწყობი და ბუღალტერიამასალების აღრიცხვისა და ფინანსური ანგარიშგებისთვის ცალკე პროგრამები დაგჭირდებათ.
ხშირად დასმული კითხვები
Martivo-Ს ᲨᲔᲡᲐᲫᲚᲔᲑᲚᲝᲑᲔᲑᲘ
თუ მომხმარებელი დამირეკავს, ჯავშანს ხელით დავამატებ?
დიახ. ჯავშნის კალენდარში ხელით დამატებაც შეგიძლიათ. ზარით, მიმოწერით და საიტიდან მიღებული ყველა ჩანაწერი ერთ კალენდარში თავსდება და ერთმანეთს არ გადაფარავს.
საიტი უკვე მაქვს. მხოლოდ ონლაინ ჯავშნის გამოყენება შემიძლია?
დიახ. ჯავშნის გვერდი დამოუკიდებელი ბმულით მუშაობს - შეგიძლიათ ის დაამატოთ თქვენს არსებულ საიტზე, Instagram-ის ბიოში ან Facebook-ის გვერდზე. არსებული საიტი უცვლელი დარჩება, Martivo-ს ვებგვერდის გამოქვეყნებას კი თავად გადაწყვეტთ.
ორი ფილიალი მაქვს. ორი ანგარიში დამჭირდება?
არა. ერთ ბიზნესს რამდენიმე ლოკაცია შეიძლება ჰქონდეს - თითოეულს საკუთარი მისამართით, სამუშაო საათებითა და გუნდით. მომხმარებელი ჯავშნისას თავად ირჩევს ფილიალს. სტარტის პაკეტში ერთი ლოკაცია შედის, ბიზნესში - სამი.
პროცედურებს შორის მოსაწესრიგებელი დრო მჭირდება. შესაძლებელია?
დიახ. თითოეულ სერვისს შეგიძლიათ დაუმატოთ ბუფერული დრო. მაგალითად, თუ ვიზიტი 60 წუთია და ბუფერი - 15 წუთი, სისტემა კალენდარში 75 წუთს დაიკავებს, მომხმარებელს კი 60 წუთს აჩვენებს. შემდეგი ჯავშანი ამ დამატებით 15 წუთში ვერ ჩაინიშნება.
რა ხდება, თუ მომხმარებელი არ მოვიდა?
ჯავშანს „გაცდენილად“ მონიშნავთ და ინფორმაცია მომხმარებლის ისტორიაში დარჩება. შემდეგ ჯერზე დაინახავთ, რამდენჯერ არ მოვიდა. სისტემა მომხმარებელს ავტომატურად არ ბლოკავს და წინასწარ გადახდას არ ითხოვს.
რამდენად შემიძლია საიტის დიზაინის შეცვლა?
საიტის აწყობა 14 ტიპის მზა სექციით შეგიძლიათ. შეცვლით მათ რიგს, ტექსტებს, ფოტოებს, ფერებსა და შრიფტებს. ელემენტების სრულიად თავისუფლად განლაგება არ არის შესაძლებელი - მზა სტრუქტურა უზრუნველყოფს, რომ საიტი მობილურზეც სწორად გამოჩნდეს.
ერთი ანგარიში
ᲡᲐᲘᲢᲘ ᲓᲐ ᲙᲐᲚᲔᲜᲓᲐᲠᲘ - ᲔᲠᲗ ᲐᲜᲒᲐᲠᲘᲨᲨᲘ
დარეგისტრირდით და ვებგვერდი, მომსახურებები და ჯავშნები ერთი მართვის პანელიდან მართეთ. რამდენიმე ცალკეული პროგრამის გამოყენება აღარ დაგჭირდებათ.
